Skilmálar

Ábyrgðarskilmálar / Megin upplýsingar

Skilmálar þessir gilda um sölu á vörum og þjónustu Aflvéla ehf. og Búvéla ehf. til

annars vegar neytenda (einstaklinga) og
hins vegar fyrirtækja/lögaðila/rekstraraðila

Meginefni skilmálanna gildir um hvoru tveggja i og ii, en sérákvæði sem gilda um hvorn aðila eru hér sérstaklega skilgreindir að neðan eftir því sem við á. Skilmálar eru staðfestir og samþykktir af kaupanda með staðfestingu á kaupum með greiðslu eða með sérstakri undirritun hans, á pappír eða rafrænt og er grunnurinn að viðskiptunum. Skilmálar eru einnig vistaðir og sjáanlegir á heimasíðum seljanda, www.aflvelar.is og www.buvelar.is. Skilmálar eru einungis á íslensku og á ábyrgð kaupanda að afla sér þýðinga, telji hann þörf á slíku. Um neytendakaup (einstaklingar) er fjallað um í lögum 48/2003 um neytendakaup. Um kaup lögaðila/fyrirtækja/rekstraraðila gilda m.a. lög 50/2000 um lausafjárkaup. Einnig gilda hér lög um samningsgerð, lög um rafræn viðskipti og aðra rafræna þjónustu, lögræðislög og lög um persónuvernd og meðferð persónuupplýsinga. Kaupandi ber ábyrgð á að kynna sér ítarlega ábyrgðarskilmála þessa.

Til þess að ábyrgðarskilmálar gildi varðandi nýjar dráttarvélar, er það ófrávíkjanlegt skilyrði að kaupendur samþykki með undirritun sinni ábyrgðarskilmála frá framleiðanda vélanna.

Umboðssala og notuð tæki

Vörur sem seldar eru í umboðssölu eða sem notuð tæki eru seldar í því ástandi sem þær eru við afhendingu.

Aldrei er tekin ábyrgð á sölu notaðra vara og tækja eða vara og tækja sem kunna að vera í endursölu hjá seljanda og koma Aflvélar/Búvélar ávallt fram sem miðlari milli seljanda og kaupanda í slíkum tilfellum. Öllum ábyrgðarkröfum vegna þessa skal beint til eiganda/seljanda.

Gagnvart fyrirtækjum/lögaðilum: Söluhlutur er seldur án ábyrgðar. Kaupandi er hvattur til að skoða söluhlut ítarlega, eða láta óháðan fagaðila gera það, áður en kaup fara fram, sbr. rannsóknarskyldu kaupanda skv. lögum um lausafjárkaup. Kaupandi er undantekningarlaust hvattur til þess að láta söluskoða sérstaklega skráningaskyldar vélar og tæki hjá óháðum aðila. Seljandi ber ekki ábyrgð á göllum sem kaupandi hefði mátt sjá við slíka skoðun. Þó ber seljandi ábyrgð ef gefnar hafa verið rangar upplýsingar eða leyndir gallar sem seljanda mátti vera kunnugt um.

Gagnvart neytendum: Þrátt fyrir að notaður hlutur sé seldur „eins og hann er“, telst hann gallaður samkvæmt lögum um neytendakaup ef:

Hann svarar ekki til upplýsinga sem seljandi hefur gefið.
Seljandi hefur vanrækt að veita upplýsingar um atriði sem máli skipta.
Hluturinn er í verulega lakara ástandi en kaupandi hafði ástæðu til að ætla miðað við verð og aldur.

Afhending sölu- og viðgerðarvara:

Sölu- og viðgerðarvörur eru almennt afhentar kaupendum / eigendum á starfsstöð Aflvéla ehf. að Vesturhrauni 3, Garðabæ. Ef um dráttarvélar er að ræða er þjónusta vegna þeirra einnig veitt að Gagnheiði 35, Selfossi, Njarðarnesi 1, Akureyri eða á viðurkenndu verkstæði eða þjónustustöð seljanda. Óski kaupandi / eigandi eftir að fá vörur sendar á tilgreindan stað, greiðir hann sendingarkostnað. Afhending vara telst þannig vera á starfsstöð Aflvéla ehf. eða öðrum stað samkvæmt framan greindu og eru sendar vörur á kostnað og ábyrgð kaupanda / eiganda frá þeim tíma er þær eru afhentar flutningsaðila.

Réttur við galla og tilkynningarfrestur

Tilkynning um galla (Kvörtunarfrestur):
Ef kaupandi telur vöru gallaða skal hann tilkynna seljanda um það skriflega.

Fyrir fyrirtæki/lögaðila: Tilkynning verður að berast án ástæðulauss dráttar frá því að kaupandi varð gallans var eða mátti verða hans var við eðlilega skoðun. Mælt er með að tilkynning berist innan 7 daga frá því galli uppgötvast. Sé tilkynningu ekki komið á framfæri innan hæfilegs tíma fellur réttur til að bera fyrir sig galla niður.

Fyrir neytendur: Neytandi hefur frest til að tilkynna um galla í að minnsta kosti tvo mánuði frá því að hann varð gallans var.

Réttur við galla: Komi í ljós galli á vöru á kaupandi rétt á úrbótum, nýrri afhendingu, afslætti eða riftun, eftir atvikum og í samræmi við gildandi lög. Seljandi áskilur sér ávallt rétt til að sannreyna að um galla sé að ræða. Viðgerðartími tekur mið af eðli bilunar og afgreiðslutíma varahluta.

Ef að varan er gölluð eða það vantar eitthvað í vöruna er seljanda skylt að bjóða kaupanda viðgerð, nýja vöru, afslátt eða afturköllun kaupa. Það fer eftir atvikum hvaða leið seljandi velur hverju sinni. Tilkynning á hugsanlegum galla verður að berast munnlega eða skriflega. Mælt er með að tilkynningin berist innan 7 daga frá því galli uppgötvast. Vegna skráningargildis og staðfestingar á tilkynningu er mælt með að kaupandi sendi tölvupóst um gallann og geymi afrit. Seljandi sendir staðfestingu til baka um móttöku tölvupóstsins. Réttur neytenda (með neytanda er átt við einstakling utan atvinnustarfsemi) til að fá galla bættan er í samræmi við neytendakaupalög nr. 48/2003.

Kaupandi skal ávallt koma vöru til seljanda á starfsstöð hans að Vesturhrauni 3, 210 Garðabæ, eða eftir atvikum annars staðar sem tilgreindur er í 2. gr. skilmála þessara, til skoðunar og mats á verkstæði, hvort um galla sé að ræða. Álitamál þar að lútandi eru ávallt send til framleiðanda viðkomandi vöru sem tekur endanlega ákvörðun um hvort um sé að ræða galla eða ekki. Sé það niðurstaða framleiðanda að um galla sé að ræða, skal gallinn bættur samkvæmt framangreindu.

Ábyrgðarviðgerðir miðast ávallt við að þær séu unnar á verkstæði seljanda eða viðurkenndu þjónustuverkstæði, samkvæmt framan greindu.

Ábyrgð fellur úr gildi hafi kaupandi breytt, lagfært sjálfur eða átt við söluhlut, eða verk unnið á verkstæði sem ekki er viðurkennt þjónustuverkstæði seljanda. Einnig ef notaðir hafa verið varahlutir, olíur og annað slíkt sem ekki er viðurkennt af söluaðila. Þá fellur ábyrgð úr gildi hafi kaupandi ekki fært tæki til reglulegrar þjónustuskoðunar eða olíuskipta hjá seljanda, sem áskilnaður hvers tækis segir til um.

Ábyrgðarviðgerðir skulu framkvæmdar innan uppgefinna tímamarka framleiðenda og á því gjaldi sem framleiðandinn samþykkir.

Kostnaður og tímagjald vegna ferða á verkstað og / eða flutnings tækis til og frá verkstæði er ekki innifalið í endurgreiðslu ábyrgðar, eins er um flutningskostnað á varahlutum, er varðar fyrirtæki/lögaðila.

Kostnaður við eðlilega slithluti s.s. reimar, síur, olíur og rekstravörur s.s. tvist, tuskur, hreinsiefni, mælagjald og verkfæragjald er ekki innifalinn í endurgreiðslu ábyrgðar.

Það er á ábyrgð þjónustuverkstæðis að einungis séu notaðir varahlutir keyptir af söluaðila til að ábyrgð tækisins falli ekki úr gildi.

Skemmdir vegna misbeitingar eða notkunar í öðrum verkefnum en búnaðurinn er hannaður fyrir, skorti á viðhaldsþjónustu eða breytinga sem hafa verið framkvæmdar án samþykkis framleiðanda fást ekki bættar í ábyrgð.

Skilavara, sýningareintök og útlitsgallaðar vörur eru seldar sem einstök vara og við úrlausn ábyrgðar er henni ekki skipt út fyrir sambærilega vöru, heldur er eftir atvikum gefin inneignarnóta eða veitt endurgreiðsla.

Ábyrgðir seljanda hafa ekki í för með sér takmarkanir á rétti sem kveðið er á um í lögum um neytendakaup. Ábyrgð vegna galla á vöru er í samræmi við neytendakaupalög 48/2003 er 2 ár og miðast við kaupdagsetningu til einstaklinga utan atvinnustarfsemi. Ef um ræðir sölu á vöru til fyrirtækis (atvinnustarfsemi) er ábyrgð á galla 1 ár frá kaupdagsetningu samkvæmt lögum um lausafjárkaup lög nr 50/2000.

Ábyrgð er ekki staðfest nema að kaupnótu sé framvísað.

Ábyrgð á viðgerðarþjónustu

Athugasemdir við viðgerðarþjónustu ber að gera innan 30 daga frá því að þjónustan var veitt.

Skilafrestur

Skilafrestur rekstarvara og varahluta er 30 dagar frá afhendingu gegn framvísun reiknings. Ef skilað er innan 10 daga í upprunalegum óskemmdum umbúðum er endurgreitt í samræmi við upphaflegt greiðsluform, annars inneignarnóta. Almennt er ekki tekið við skilum á sérpantaðri vöru. Seljandi kann þó að taka slíka vöru til baka með afföllum í undantekningartilfellum. Rafmagns- og efnavörur eru ekki teknar til baka.

Fyrir vöru sem er pöntuð en ekki sótt, verður gefinn út reikningur og innheimt á hendur þeim sem pantað hefur og/eða pantað er fyrir.

Kostnaður vegna sendinga (Ábyrgðarviðgerðir)

Kostnaður við flutning vegna ábyrgðarmála

Gagnvart neytendum: Sé vara sannanlega gölluð og fellur undir ábyrgð, skal viðgerð eða ný afhending fara fram neytanda að kostnaðarlausu. Þetta felur í sér að seljandi ber kostnað af flutningi gallaðrar vöru til og frá verkstæði.

Gagnvart fyrirtækjum/lögaðilum: Kaupandi ber ábyrgð á að koma vöru til seljanda á eigin kostnað á starfsstöð hans (eða tilgreint verkstæði) til skoðunar og viðgerðar. Kostnaður og tímagjald vegna ferða viðgerðarmanna á vettvang eða flutnings tækis er ekki innifalinn í ábyrgð, nema um annað sé sérstaklega samið eða leiði af ófrávíkjanlegum reglum.

Tímalengd ábyrgðar

Tímalengd ábyrgðar / Kvörtunarfrestur

Neytendur: Kvörtunarfrestur vegna galla er almennt 2 ár frá afhendingu. Sé söluhlut, eða hlutum hans, ætlaður verulega lengri endingartími en almennt gerist (t.d. stærri vélar, fjórhjól og dráttarvélar), er kvörtunarfrestur 5 ár í samræmi við lög um neytendakaup nr. 48/2003. Ábyrgðin nær til framleiðslugalla og galla sem voru til staðar við afhendingu.

Fyrirtæki/lögaðilar: Ábyrgð á galla er 1 ár frá afhendingardegi, eða samkvæmt nánari skilmálum framleiðanda ef þeir eru lengri. Um kaup þessi gilda lög um lausafjárkaup nr. 50/2000 að öðru leyti en því sem kveðið er á um í skilmálum þessum.

Takmörkun ábyrgðar (Óbeint tjón)

Takmörkun á skaðabótaábyrgð:

Gagnvart fyrirtækjum/lögaðilum: Seljandi ber ekki ábyrgð á óbeinu tjóni kaupanda, svo sem rekstrartapi, tapaðri framleiðslu, töpuðum verktímum eða öðru afleiddu tjóni sem kann að hljótast af bilun eða galla á söluhlut, nema tjónið megi rekja til stórkostlegs gáleysis eða ásetnings af hálfu seljanda.

Gagnvart neytendum: Seljandi ber skaðabótaábyrgð á tjóni neytanda sem leiðir af galla á vöru, í samræmi við ákvæði laga um neytendakaup.

Almennar takmarkanir: Ábyrgð nær ekki til eðlilegs slits, rangrar meðferðar, skorts á viðhaldi eða ef notaðar hafa verið rekstrarvörur/varahlutir sem ekki eru viðurkenndir af framleiðanda.

Ábyrgð fellur úr gildi ef tækið hefur verið opnað eða átt hefur verið við það án yfirumsjónar/samþykkis seljanda þrátt fyrir að þar hafi verið að verki verkstæði og/eða viðurkenndur aðili annar en seljandi. Sama á við hafi verið notaðar olíur, síur eða varahlutir sem ekki eru samþykktir sérstaklega af framleiðanda, sbr. ábyrgðarskilmála þeirra.

Ábyrgðin fellur einnig niður ef rekja má bilun til illrar eða rangrar meðferðar og er kaupanda bent á að lesa gaumgæfilega leiðbeiningar eða handbók sem fylgja hinu selda, varðandi meðferð og viðhald.

Tekjutap, hugsanlegur kostnaður og tapaðir verktímar vegna bilaðs hlutar eru ekki bættir og falla ekki undir ábyrgð.

Ekki er ábyrgð á hugbúnaði eða öðrum óáþreifanlegum hlutum (hlutum sem hafa áhrif á eiginleika tækisins eins og vírusar og annað sem ekki er hægt að rekja til framleiðanda).

Í sumum tilfellum kann að vera að einstakar vörur eða vörumerki séu með lengri ábyrgðartíma. Í þeim tilfellum sem það á við er slíkt tekið fram.

Önnur ákvæði

Aldrei er tekin ábyrgð á vörum eða þjónustu sem ekki hefur verið greidd til seljanda. Varan sem tilgreind er í reikningi er eign seljanda þar til hún hefur verið að fullu greidd.

Reikningar seljanda eiga uppruna sinn í rafrænu bókhaldskerfi skv. reglugerð nr. 505/2013