Pronar ZMC 2.0 sópur

Pronar sópurinn er öflugt verkfæri sem hentar vel bæjarfélögum og verktökum við sópun inn í íbúðarhverfi, torg eða þjóðvegi. Sópurinn er dreginn af dráttarvél eða sambærilegri vinnuvél sem hefur aflúttak frá 1000 snúninga drifskafti sem knýr áfram sogmótor og glussakerfi sópsins. Þetta er klárlega ódýrasta lausn fyrir þá sem vilja halda rekstrarkostnaði í lágmarki enda er sópurinn ákaflega einfaldur og þægilegur í allri umgengni og notkun. Hægt er að fá aukalega sogbarka til að hreinsa upp lauf og annað lauslegt. Hægt er að losa tankinn hvort sem er beint aftur úr sér eða með því að lyfta honum upp yfir gám eða vörubílspall.